Pintcha Dia

Lucibela

Compositor: Não Disponível

Kavala agóra é pa ken ta podê
Vinti skude ka ta da nen un kafe
Sei marel, entra verde, é kel mê
No ta vivê na gnia i es ka kre nen sabê
Ta pintxá dia ku ninharia, ta rasioná k'é pa podê txgá
Undê ke ta kmê kuate, sinke ta kmê tanbê
Nosinhor a-de provê, asin ke na Bíblia ta dzê

Vida ta kór, N ta ganha poke
Es orsamente dja da-m pa torte
Manhan é 17, N ka tê un tiston
N ka sabê ke ki mi a-de fazê
La na lujinha es ka kre da fióde
Tudu pur kausa duns larópe
Ke ti ta vivê xei di grandéza
Ta mandá marká, ta sksê de pagá
Bosê sabê óke N devê
N ta rasebê, N ta ben saldá
N ka mdjer de fká ke dinher de ningen
Ta pdi di smóla 'sê txa-m levá
Es kuate brindera p'es mata injun
Mei kuarte d'asúkar pa ndosa xá
Óra k'es kmê p'es ka solusá
Deus da bosê vida i saúde

Nes sakrifís N ta vivê
Kontá pirrasa k'é pa N sksê
Ki manhan sede óra ke sol nasê
Se ka tiver lete nhas mnin bibê
Tamain de nha dor so Deus sabê
Un dia de trabói, óke el parsê
Lavá na selia txufti na tina
Guarda kel dinher pa konprá bulsinha
Fazê sorvete, vendê na skina
Justá almos, kunpri nha sina

Vida ta kór, N ta ganha poke
Es orsamente dja da-m pa torte
Manhan é 17, N ka tê un tiston
N ka sabê ke ki mi a-de fazê
La na lujinha es ka kre da fióde
Tudu pur kausa duns larópe
Ke ti ta vivê xei di grandéza
Ta mandá marká, ta sksê de pagá
Bosê sabê óke N devê
N ta rasebê, N ta ben saldá
N ka mdjer de fká ke dinher de ningen
Ta pdi di smóla 'sê txa-m levá
Es kuate brindera p'es mata injun
Mei kuarte d'asúkar pa ndosa xá
Óra k'es kmê p'es ka solusá
Deus da bosê vida i saúde